29‏/08‏/2012

عيد ميلاد الدكتاتور


كتبت في عيد ميلاد الأستاذ في 1 ديسمبر 2011

حد شاف روحه قبل كده على رجلين تانيين... صغيرين، مدقرمين

بيقولوا بابا .. أنا بس عايز ، ترد أنت تقول أمين

حد شاف ضحكته على وش غيره، حد حلم بغيره يلقى قبله خيره

حد تتمنى يكون أفضل مصيره.... عارف انت يبقى مين؟

حد قلبه يوم جري عالارض جري..... حد داخ م اللعب واتهرى م الحكي هري

حد يتعب لحد يفرح...... حتى لو تعب السنين

حد عنده ديكتاتور طوله شبر، يؤمره  ينفذ قوام الأمر

حد مش عايز يثور طول العمر..... حد عاشق حاكمه وكأنه دين

كل ده يا سي علي يوم ميلادك.... كل ده علشان يا ولدي الكون بلادك

كل ده علشانك انت ... ومعاك كمان فرح وريم

ليست هناك تعليقات: