29‏/06‏/2008

رباعيــــــات

فتحت عينى زهقت منك يا نوم
شفت دنيا غريبة والكلام مكتوم
احترت انا فى الحكاية
اتارينى ميت واللقب مرحوم
وعجبى
ــــــــــــــــــــــــــــــــــــــــــــــــــــــــــــــــ
حبيبتى يا حبيبتى دايما بتبعدى
اقرب مهما اقرب برضو بتبعدى
هيا النهاية خلاص كــــــده
ولا بس من حبــــى بتتأكـدى
وعجبى
فى كل البحور درت و لفيــــــــت
فى كل بحر نار قايدة لقيــــــــت
ساعتهـــا بس عرفـــــت ازاى
اكون وحدى وسط الاهل والبيت
وعجبى
ـــــــــــــــــــــــــــــــــــــــــــــــــــــــــــــــــــــــــ
انسان يموت يتولد مليون وليد
هيا الدنيا كده ساعات بالعكس بالتقليد
مبقتش عارف انــــــــــــــــا
الدنيا هى اللى غبية ولا انا اللى بليد
وعجبى
على قد ما الدنيا دى كبيرة
لكنها صغيـــــــــرة
ايا منا فيها كتيرة
وأعمــارنا قصيرة
وعجبى
ـــــــــــــــــــــــــــــــــــــــــــــــــــــــــــــــــــــــــــــــ
الله يلعن أبوك يا هم
لا فرح بتخلى ولا عندك دم
تعبت قلبى تعبت عينى
انت وابنك اللى اسمه الغم
وعجبى
ـــــــــــــــــــــــــــــــــــــــــــــــــــــــــــــــــــــــــــــــــــ
انا البحر وانتى البر بينا مليون صدام
أجى عليكى تستحملى منى الالام
دقتى منى النحر والافتـــــــرا
وما شفت منك غير امان وسلام
وعجبى
انا زى البحر لكن البحر غــدار
نغضب قوى نهدى قوى مالناش أرار
نسمع كلام ونشوف بشــــــــر
لكن جوانا تفضل الاســـــــــرار
وعجبى
ــــــــــــــــــــــــــــــــــــــــــــــــــــــــــــــــــــــــــــــــ
دنــيـــــــــا شكل الكاريكاتير
الحزن فيها شــىء خطيـــــر
والضحك متمكن وعــالــــى
بس انا كداب كبيــــــــــــــر
وعجبى
________________________________________
السؤال نفس السؤال بس مش نفس الاجابة
هى ليه الدنيا مرة حلوة ومرة غابــــــــــة
قبل ما تفكر تجاوب يلا قولى
انت من صنف الملايكة ولا من الناس الديابة
وعجبى
ـــــــــــــــــــــــــــــــــــــــــــــــــــــــــــــــــــــــــــــــــ
يا ابويا وحشتنى حتى تجاعيدك
ولا ألف مليون راجل يقدر يعيدك
ولا حد فيه حتى حنانك
محتاج تعود بس ابوس ايدك
وعجبى
ـــــــــــــــــــــــــــــــــــــــــــــــ
منك لله يا مصر تعبتينى
بموت فيكى وانتى مطلعة دينى
وتهون عليا الدنيابس
أمًلى من ترابك عينى
وعجبى
ـــــــــــــــــــــــــــــــــــــــــــــــ
يوم ما تقوم القيامة
لا حينفعكم عيال ولا فلوس ياما
هو بس عملكم
ورحمة ربنا سايعانا
وعجبى
ـــــــــــــــــــــــــــــــــــــــــــــــــــــــــ
غريب عايش فى دنيــا غريبة
ماشى بادور فين رحتى ياطيبة
لا ولاد الحلال دلــــونى
ولا حد يعرف وهى دى المصيبة
وعجبى
ـــــــــــــــــــــــــــــــــــــــــــــــــــــــــــ
ـلما الصحاب مبقوش صحـــاب
واتمددت سنين الفرح فى حضن العذاب
واتبدل الحال مكان الحال
اتمنيت بس ياربى اكون تراب
عجبى
صاحبت بدل الواحد عشرة
متمرش فى ولا واحد عشرة
مبقتش عارف اعمل ايه
قلت الحل اصاحب حشرة
عجبى
ساعات الحزن يبقى دوا مع انه داء
تفوق من وهم متدارى فى حضن غباء
تخاوى الدمع فى ليالى
تبص تلاقى قلبك فاق
عجبى
عيش الحياة ولا يهمك
مين ده اللى يحرقلك دمك
واذا كنت ناوى عالشر فعلا
من بعدها حيشيل همك
عجبى
يللى بعتوا للناس الاوهام
بعتوا ليه وازاى وبكام
وفى النهاية كسبتوا ايه
خسارتكوا جاية مع الايام
عجبى
يا ابو البحور يا جميل
علمتنا نعشق نميل
لكن منين الحب ده
والقلب طبعه عليل
عجبى
ـــــــــــــــــــــــــــــــــــــــــــــــــــــــــــ
انا احسن واحد يقفش فيكى يا مصر
اثور اتضايق احس بقهـــــــــــــــر
أبقى زعــــــلان من جــــــــــــوه
بس ازعل عالصبح وانسى العصر
وعجبى
ـــــــــــــــــــــــــــــــــــــــــــــــــــــــــــــــــــ
فى ذات اليوم وفى نفس التاريخ
من كل عام صوات وصـــريخ
قال ايه سنوية الميــــــــــت
كنتوا عملتولوا ايه وهو حى جريح
وعجبى
ــــــــــــــــــــــــــــــــــــــــــــــــــــــــــــــــــــــــــــــ
الكوسة فى بلدنا اسرع من الصاروخ
فى حضنها تتدفى عمرك فى يوم ما تدوخ
ولوعريان تتغطى
اصلها عندنا اغلى كتير مالخوخ
وعجبى
ـــــــــــــــــــــــــــــــــــــــــــــــــــــــــــــــــــــــــــــــــ
دنيا زى السيف تسهى تقطعك
وحظ مالوش كيف غير انه يلطعك
عايش ومش عايش عارفلا مش عارف
اللى بتاخدو فى حياتك لابد يوصلك
وعجبى
ــــــــــــــــــــــــــــــــــــــــــــــــــــــــــــــــــــــــــــــ
يا ابويــا ياللى علمتنى الكلمـــة
ليه علمتنى اكون نسمة مش حمى
واعيش اتعذب انا بطيبتى
اللى فى الزمن ده تهمـــــــــة
وعجبى
ماشى عالحبل انا بوشوش الجماهير
مرعوب اقع خايف من المشاويــــر
بس مستمتع بلعبى لانى مهمـــا وقعت
قلبى السعيد حيطير
وعجبى
ــــــــــــــــــــــــــــــــــــــــــــــــــــــــــــــــــــــــــــ
قالوا ده صاحب قلت ده بوشين
قالوا حبيبك قلت بس منيـــــن
ده لا يعرف العشرة ولا يصونها
ده لو يطول كان باعنى مرتيــن
وعجبى
ـــــــــــــــــــــــــــــــــــــــــــــــــــــــــــــــــــــــــــــ
مخنوق ليه يا صوت البكا ولا الدموع مش كافيه
كل اللى حبتهم يا قلبى جابـــــــــولك الكافيـــــه
مبقتش فاهم حاجة خالص
هى الندالة سايقة الدنـيـــــــــــــــا بالعافيــــــــه
وعجبى
قلبى ضعيف بس الفــرح دواه
الحزن مالكو من براه ومن جواه
خايف اسلم يبقى قلبى عبد وذليل
للحزن بس هواه
وعجبى
طظ فيكى يا دنيا يا مهببة
لكل احزان البشر انتى متسببه
بحبك واكرهك معرفش ليه
مفيش مرة تحنى وتبقى طيبة
وعجبى
ـــــــــــــــــــــــــــــــــــــــــــــــــــــــــــــــــــــ
قــالوا السنين بالذكريــــــات
والعمر نحسب منه اللى فات
قلت نحسب الجى احسن
يا حبيبى ده اللى فات مــات
وعجبى
ـــــــــــــــــــــــــــــــــــــــــــــــــــــــــــــــــــــــــــ
ادم وحوا كانوا ابويا وامـــــــــى
ومش لاقى بنى ادم اشكيلوا همى
والمفروض كلنـــا اخــوات بس احسنلى
اسكت واتكسف على دمى
وعجبى
ــــــــــــــــــــــــــــــــــــــــــــــــــــــــــــــــــــــــــــــ
نرجع مرجوعنا تانى لموضوعنـــا
التوهه طويلة واخرتها رجوعنـــا
نتعب من شوقنا وليالى فراقنا
القلب يخانق فى البعد ضلوعنــــا
وعجبى
ــــــــــــــــــــــــــــــــــــــــــــــــــــــــــــــــــــــــــــــــــــــ
فى لحظة النصر متبقاش حاسس بنفسك
وساعة الخسارة اكيد بتموت من يأسك
والدنيا كده وكده بس المهم انك
عشان مكسب متخسرش نفسك
وعجبى
نفسى اقول يا صافيه زى اللبن بس اللبن غشوه
ده احنا بقينا فى زمن الواد بيبيع ابـــــــــــــــوه
وانتى معااهم علينا دايسين فوق رقابينا
يا مصر حتلحقينا ولا خلاص حنتــــــــــــــوه
وعجبى
واخد الدنيا فى حضنى فى رقصة
لا ناقص حزن ولا هى ناقصــــة
و بنمثل روايه جهنميه
لكن بموت فيها ف اخر القصة
وعجبى
قاللى ابويا اهم حاجة الكرامة
وطالما على حق مش مهم الملامة
وكبرت انا لقيت الدنيا اتغيرت
وان الندالة اول طريق السلامة
وعجبى

منمنمات

محطة القطـــــــار
حين توقف القطار فى المحطة اسرعت بالنزول الى الرصيف وحين ادركت اننى اخطأت المحطةكان القطار قد مضى وللاسف اضعت الباقى منى فى محاولة لحاقه
قطرات المطر
عندما اشتد عطشى واشتد تساقط المطر اسرعت لاحضر انائى كى اشرب وانتظرت طويلا ولكن الاناء لم يمتلألانى كنت نسيت ان الاناء مثقوب
وردتــــى
بكيت كثيرا عندما ذبلت وردتى فى مزهريتى وعندما تساقطت دموعى عليها ارتعشت وسقطت منها ورقةعلى الارض انحنيت سريعا لالتقطها فذابت فى يدى مخلفة اجمل العطور
=============================================
افتقاد
اقف بين اصحابى والكل يسألنى اين انت لماذا تختفى نفتقدك بشدة ما الذى اتى بك متأخرا رغم انى اقف بينهم منذ ساعات وايام وشهور ولكن فمى مغلق يبدو انهم اصبحوا يرون باذانهم
__________________
صفحة الوفيــــات
اسرعت افتح الجريدة على صفحة الوفيات واخذت عينى تجرى على السطور بلهفة ......... وعندما لم اجد الاسم تنفست الصعداء فلقد ادركت انى مازلت حيا
__________________
البيت القديم
عندما غادرت السيارة ولاح امامى البيت القديم ارتسمت على وجهى ابتسامة عريضة ولكن سرعان ما تلاشت عندما دققت الباب ولم يفتح احد
=========================================
وجــــــــوه
عندما استيقظت من نومى نظرت فى المرآه رأيت وجهى وعندما نظرت فى مرآة العمل رأيت وجها اخر وعندما كنت مع اصدقائى فى المقهى رأيت فى المرايا وجها اخر ولكن عندما عدت الى البيت عاد لى وجهى القديم
__________________
القبـــــــــر
نمــــــــــــت طويـــــــــلا ولكنى لم استيقظ الا عندمــــــــــــــــا اغلقوا عليـــــــــا القبـــــــــــــــر
__________________
كدب
عندما صدقتك مرة وضحك منى الناس لم اصدق بعدها اسمك .........ياترى هل هذا هو شكلك ايضا ام مازلتى تكذبين
__________________
الى من ظننته صديقى
تلاقينا امسك كل منا بيد الاخر برأسه .... ارتحت قليلا شعرت ان هناك من يساندنى فاغمضت عينى وعندما شعرت بالبرودةفتحت عينى لاجده قد ذهب واعتقد انه لم يأتى الا وهما فى خيالى
ـــــــــــــــــــــــــــــــــــــــــــــــــــ
مرايا
امسكت بصورتى وانا طفل صغير ودققت فى ملامحى ثم نظرت الى المرآة لاجد نفسى قد ازددت 50 سنتيمتر
__________________
الحائــــــط
سرت بجوار الحائط طيلة عمرى كى احتمى من لهيب الشمس لكى اصل فى النهاية لفرن احترق فيه فى نهاية مشوارى
__________________
قلب
عندما ضاع قلبى ووجده الناس ...... اتو به اليكى .. لانهم لم يستدلو على صاحبه !!!! ولم يجدو بداخله الا اسمك
__________________
علاقـــة
كلما نظرت الى طفلى وتفاعلت معه واشتقت اليه وخفت عليه واحتضنته ..... زاد عشقى وحبى لابــــى
__________________
صديق
عندما بحثت كثيرا عن نفسى ولم اجدها ...... ادركت اننى فقدت صديقى
ــــــــــــــــــــــــــــــــــــ
الكذب
عندما التقينا شعرت بحنين وبحب وباشواق .... وعندما بدأت تتكلمين و تكذبين تبخر كل هذا ونسيت انى اعرفك وانصرفت لاننى لا احب الجلوس وحيدا
__________________
شددت الرحال الى الجهات الاربع الاصليه ولم اجد مكانا يضمنى سوى قلبك
__________________
عندما قالوا لى انى اشبه ابى ابتسمت فرحاولكن عندما صرت وحيدا بكيت فهو اعظم بكثير
__________________
علمنى ابى ان اكون فارس وعلمتنى الحياه ان اكون جبان فلا صرت انا فارس وماصرت يوما جبان
=========================================
عندما احببتك واصابنى اليأس دون ان اعرف سببا أيقنت ان عبارة صديقى كانت صحيحةعندما قال لى متسائلا : هل يلتقى النبع والبركان
ــــــــــــــــــــــــــــــــــــــــــــــــــــــــــــــــــــــــــــــــــ
تراصت الوجوه والاجساد كاعواد الكبريت تترقب ايها يشتعل اولاوعندما حدث الاشتباك انطفأت جميع اعواد الكبريت فى قبضة الامن
ـــــــــــــــــــــــــــــــــــــــــــــــــــــــــــــــــــــــــــــــــــــ
علمونى صغيرا ان للمغناطيس قطبان وعندما عرفتك وجدتك احادية القطب ايهما اصدق عيناكى ام كتاب العلوم ========================================
أعلنت الحرب على كل الدنيا الا عينيكىفهزمتنى عيناكى
ــــــــــــــــــــــــــــــــــــــــــــــــــــــــــــــــ
لكل الاحلام نهاية الا تلك المرةاستغرقنى الحلم والنوم حاولت الاستيقاظ قاومنى الحلم يالله حلم ابشع من كابوس
_________________________________
اقتربت كثيرا من الشمس هذه المرة ياترى سوف احترق ام سأسكنها واصير ضياء من قبسها
=========================================
هبط الليل فسربلنى بلونه حتى صرت اشد حلكة منه وعندما اشرقت الشمس اختفيت
==============================
احتوتنى الحديقة خلبتنى ازهارها ونضرتهاداعبت حتى الندى فى حضن الزهر وعندما رحلت لم يتبق على يدى الا جروح الاشواك