مفارقنا وسايب بكرة.... ساكن فى علم الغيب
اتغطى الحلم قصير .... والليل فى عبايتك سارح
م الخوف الغطا يتغير .... يكسينى الالم البارح
وعايزنى اسامح
ملعون الدوا يا طبيب
و دوايا شوية صبر ..... ياخدونى لحد القبر
وامر الصبر الجبر .... مجبور ويقولوا نصيب
ولا عمر الجرح يطيب
مكتوب على باب امبارح روح بلدك ياغريب
واهو بكرة بيرضع شمسه .... بيخطى خطاوى نهار
تاتا خطى العتبة
يقابلنا يادوب ينهار
يتحول فجره لعهر .... ونصلى العصر الضهر
عالعصر ميعاد الكفر
فى الليل يا تسيب يا نسيب
بكرة من خيبته وهبله
عدى و بهمه وعبله
صار امبارح واتبدَلوا
مغترب انا و كئيب
مكتوب على باب امبارح بكرة تمللى غريب
ليست هناك تعليقات:
إرسال تعليق