18‏/11‏/2011

الأحلام المبتورة

ملعونة الأحلام المبتـــــــــــورة
ملعونة الضاحكة الساخرة .... لما بشوف نفسي في صورة
وأتخيل إيه كان حلمي، وإزاي اتبخر.....
وارتجعت روحــــــــي مكســـورة
*****
ملعونة الفكرة اللي تضحــك
تسعد روحي و تتمحك
في الحزن.... وتطير طوالي
مع باقي الأحلام المنثـــورة
*****
ملعونة الدنيا وتصاريفهـــا
ملعون القلب اللي عارفهــا
ومُصر إنه حيحلم تانـــــي
.... مبيهموش من كسرة جديدة
حتسيب روحي المأســــورة
ملعونة الأحلام المبتورة

هناك تعليقان (2):

محمد نبيل يقول...
أزال المؤلف هذا التعليق.
محمد نبيل يقول...

حتى لو الأحلام اتبترت مرة بعد مرة والقلب انكسر مرة بعد التانية، الأفضل نصر على الأحلام وعلى محاولة تحقيقها حتى لو حنموت واحنا بنحاول، على الأقل الواحد يبقى ضميره وباله مرتاحين انه بيحاول.


أحمد مكي - أحلم :

http://www.youtube.com/watch?v=eUruQpa1VEM&