ع الفجر يحلو الكلام ع الليل
والصبح يسابق الزمان كالخيل
ويهل تاني ليل.. نتمنى الصبح يطلع
وكأننا عاشقين اللي فات بس......
ابن أدم غبي يستحق الويل
****
طلع النهار يتلفت وكأنه خايف
غمضت عيني قوام قال يعني مش شايف
لاجل ما ينكسفشي النهار..لاجل ياخد راحته
مع إني عارف إن اللي خايف عمره ما كان شايف
****
عمل النهار صاحبي ورمالي ضي تحية
كشرت أنا ف وشه وكأن بينا قضية
زاد النهار وده ورزاني شمس عفية
غمضت عيني ونمت وعلى وشي ضحكة غبية
ليست هناك تعليقات:
إرسال تعليق