بعد يومين بالتمام.. تالت ليلة ساعة الفجــــــر
مالقهوش..غاب واختفى...... راح بعيد
كره الصباح ..بكي.....لكل مخلوق في الغابة أشتكى
واللى اتحكى.....
أرنب عبيط غلبان
مكتوب عليه يعيش وحيد
عدت ليالي كتار..وصاحبنا عاش محتار
سارقاه كتير افكار...والتعلب المكار
واقفله بالمرصاد وكمان سعيد
حياكله هم المم....وصاحبنا واكله الهم
واللي معندوش دم........اللي ما يتلم
طبطب على معدته ....قال هانت المواعيد
وطواط وضايقه الحال...ميل على اللي.... بيه الحال مال
وقاله ياارنبي ....إياك تعشق محال
التعلب اللولبي .....غداه أنت إحتمال
فوق واصحى وأهرب بعيد
الارنب الغلبان العاشق الولهان
ضحك بصوت عالي
وقال مصيبة كمان
ايش تعمللي يا أيام
ياريتني أنا تعبان
لكن وإيه حيفيد
هجم عليه التعلب... أرنبنا قرر يلعب
ضحك عليه وبمقلب..رجع كسير خزيان
طلعله تاني البدر....أتاريه في نص الشهر
ضحك قوي وبقهر...قفل بيبانه ونام
ليست هناك تعليقات:
إرسال تعليق